مەكتەپ پۈتتۈرۈپ، خىزمەت قىلغىلىمۇ ئىككى ئاي بولۇپ قاپتۇ. خىزمەتكە قاتناشقاندىن بېرى تۇنجى قېتىم كاماندىروپكىغا چىقىدىغان بولدۇم. نىشان يەقەر دەپ سوراۋاتامسىز؟ شۇ تۇغۇلۇپ چىشىم چىققاندىن بېرى بېرىشنى ئارزۇ قىلىپ كەلگەن قەدىمىي دىيار قەشقەر بولمامدۇ… بۇ قېتىم خىزمەت مۇناسىۋىتى بىلەن قەشقەرگە كاماندىروپكىغا چىقىمەن. ۋاقتى 10 كۈن ئەتراپىدا بولىدۇ. ئاندىن قەشقەردىكى خىزمەتلىرىمنى تۈگىتىپ ئۆيگە قايتىپ 8 يىلدىن بېرى [...]
18 بۇ قېتىم قەدىرداننىڭ مەكتەپتىن ھەقىقەتەن كۆڭلى ياندى. ئۇ ئۆيدىكىلەرنىڭ شۇنچە قارىشى تۇرغىنىغا قارىماي مەكتەپكە بارغىنىغا پۇشايمان قىلىدى. ئويلا-ئويلا، قەدىردان ئاخىرى مەكتەپتىن ئۈمىد ئۈزۈش (مەكتەپكە بۇنىڭدىن كىيىن بارماسلىق) قارارىغا كەلدى. ئۇ ئەتىسىدىن باشلاپ مەكتەپكە بارمىدى. بىر لېكىن ئۆيدە داۋاملىق تۇرىۋەرسە چوقۇم مەكتەپتىكىلەرنىڭ ئىزدەپ كېلىپ ئىشنىڭ چوڭىيىپ كېتىشىدىن ئەنسىرەپ، يىراق يېزىدىكى ئاكىسىنىڭ ئۆيىگە كېتىش قارارىغا كەلدى [...]
بىزنىڭ مىللىي كارخانىلىرىمىز نېمە ئۈچۈن تىز سۈرئەتتە تەرەققىي قىلالمايدۇ؟ ياسىنجان مەترۇزى ئىلقۇت ھەممىمىزگە ئايان ھازىرقى دەۋر ئۇچۇر دەۋرى، سودا دەۋرى. لېكىن بۇ ئۇچۇر ۋە سودا دەۋرىدە بىزنىڭ مىللىي كارخانىلىرىمىز زادى قانچىلىك ئۇتۇق قازاندى؟ بىزنىڭ مىللىي كارخانلىرىمىز مۇشۇ ئۇچۇر ۋە سودا دەۋرىدىكى پۇرسەتلەردىن تۇلۇق پايدىلىنالىدىمۇ يوق؟ مانا بۇ سۇئاللار بىزنىڭ كەڭ مىللىي كارخانىچىلىرىمىزنىڭ كاللىسىنى سەگەك [...]
ئەسسالاممۇ ئەلەيكۇم تورداشلار، ئالدىنقى قېتىم «شەخسىي كومپىيوتىردا PHP مۇلازىمىتىرى مۇھىتى قۇرۇپ چىقىش» دېگەن تېمىنى يازغاندىن كىيىن بەزى تورداشلار ساندان ھەققىدە ئازراق توختىلىپ ئۆتۈشنى ئىنكاس قىلىپتۇ. بىز «شەخسىي كومپىيوتىردا PHP مۇلازىمىتىرى مۇھىتى قۇرۇپ چىقىش» قىلىشىمىزدىكى سەۋەپ شەخسىي كومپىيوتىرىمىزدا PHP تىلىدا يېزىلغان سېستىما، مەسىلەن: DEDECMS، Discuz، PHPwind، WordPress قاتارلىق سېستىمىلارنى شەخسىي كومپىيوتىرىمىزدا قوزغىتىپ ئۇلار ھەققىدە ئىزدىنىش ئېلىپ [...]
17 شۇنداق قىلىپ قەدىردان بۇ قېتىم گۇلنار مۇئەللىمنىڭ قىلغانلىرىغا زادى چىداپ تۇرالماي «تاز بولسا گەدەنگىچە» دەپ مۇئەللىم بىلەن تەڭ بەيگىگە چۈشتى. ئەمىلىيەتتە بۇ قېتىم مۇئەللىممۇ سەل چەكتىن ئاشۇرىۋەتكەن ئىدى. قايسى بىر مۇئەللىم ئۆز ئوقۇغۇچىلىرى (يەنە ئېتىزدا ئىشلەۋاتقان شۇنچە كۆپ دېھقانلار ئالدىدا) ئۆز ئوقۇغۇچىسىنى ھېلىقىدەك «ماز»، «لاتا» دېگەندەك تىللار بىلەن تىللىغان بار. ئوقۇتقۇچى بولغۇچى ئىنسان روھىنىڭ [...]
ئەسسالاممۇ ئەلەيكۇم تورداشلار، ھەممىمىزگە ئايان بولغىنىدەك، ھازىر دۇنياغا داڭلىق ۋوردپرەس (WordPress)بلوگ سېستىمىسىدا شەخسىي بلوگ يازىدىغانلار كۈندىن كۈنگە كۆپىيىۋاتىدۇ. بىر ھېساپتا بۇمۇ بىر ياخشى يۈزلىنىش، بىزنىڭ كىشىلىمىزنىڭ ئېڭى كۈنسېرى ئۆسۈپ، ئىچكىرى ئۆلكىلەردە ۋە چەتئەللەردە ئاللىبۇرۇن تور دۇنياسىنىڭ مۇھىم بىر قىسىمى سۈپىتىدە ناھايىتى تەرەققىي قىلىپ، ئىنتىرنىت تورىنىڭ تەرەققىياتىدا مۇھىم ئورۇننى تۇتۇپ كېلىۋاتقان بلوگ (تور تۇرا) ئۇقۇمى كىشىلىرىمىز [...]
ئىلاۋە: مەزكۇر ئەسەر دەسلەپ يېزىلىپ بىر مەزگىل ئۆتكەندىن مەلۇم سەۋەبلەر تۈپەيلىدىن قايتا داۋاملاشتۇرۇشقا تازا پۇرسەت بولماي قالدى. شۇڭا تورداشلارنىمۇ كۆپ ساقلىتىپ قويدۇم. مەكتەپ پۈتتۈرۈپ يۇرتقا قايتىپ كەلگەندىن كىيىن خىزمەت ئىشى بىر تەرەپ بولغىچە قولۇمغا قەلەم ئېلىشقا (بەھۇزۇر ھالدا كومپىيوتىرنىڭ ئالىدىغا كېلىپ ئەسەر يازغۇدەك) پۇرسەت بولماي قالدى. مانا ئەمدى خىزمەتلىرىممۇ خېلى ئىزىغا چۈشۈپ قالغاندەك قىلىدۇ. شۇڭا [...]
مال سېتىش تاكتىكىسى ياسىنجان مەترۇزى ئىلقۇت ئىلاۋە: مەزكۇر سېتىش تاكتىكىسىنى كىيىم-كېچەك، ئاياق، گىرىم-بۇيۇملىرى قاتارلىقلارنى سېتىشتا قوللىنىشقا بولىدۇ. ئالدىنقى قېتىم «مال سېتىش تاكتىكىسى (1)» ناملىق يازمىنى يوللىغان ئىدۇق. ئەمدى بۇ يازمىنىڭ 2-خىل كۆرۈنۈشىگە دىققەت قىلايلى. تۆۋەندىكى كۆرۈنۈشكە قاراپ باقايلى: مەلۇم بىر كىيىم-كېچەك سېتىش دوكىنىغا بىر خېرىدار دوستىنىڭ ھەمراھلىقىدا كىيىم-كېچەك سېتىۋېلىش ئۈچۈن كىرگەندىن كىيىن، بۇ دوكاندىكى شۇنداق [...]
ئادەتتە ۋوردپرەس(WordPress)نىڭ ئارقا سوپىسىغا كىرمەكچى بولساق، تور كۆگۈچكە ئادرىس يازغاندا ئەسلى بلوگىمىزنىڭ ئادرىسى www.xxxxx.com نى www.xxxxx.com/wp-admin/ غا ئۆزگەرتىپ ئاندىن ئارقا سۇپىغا كىرىمىز. بۇنداق بولغاندا ئادرىسى بىرئاز غەلىتە، ئاسانلىقچە ئىسىمىزدە تۇتالمايمىز. بولۇپمۇ كەمىنە ۋوردپرەس(WordPress)نى سېستىمىسىنى ئەمدى ئىشلىتىشكە باشلىغاندا بۇ مەسىلە ئۈستىدە بەك ئاۋارە بولغان ھەم بوشلۇققا كىرىپ ئادرىسنى ئاددىيلاشتۇراي دەپ www.xxxxx.com/wp-admin دىكى wp-admin نى wp غا ئۆزگەرتىپ www.xxxxx.com/wp دەپ كىرىپ باقاي دەپ ئويلاپ ئۆزگەرتكەندىن كىيىن بلوگدا خاتالىق ئۇچۇرى چىقىپ بەك قورقىتىۋەتكەن ئىدى (چۈنكى بلوگنى قانداق تەڭشەشنى بىلمىگەچكە بلوگىمنى ئەسلىگە كەلتۈرەلمەسلىكتىن ئەنسىرىگەن ئىدىم) ئەمما ئىسىمنى ئەسلىگە كەلتۈرسەم بلوگمۇ ئەسلىگە كېلىپ قالدى.
ئالدىنقى قېتىم ئىلقۇت بلوگىنى PJblog نەشىرىدىن ۋوردپرەس(WordPress) نەشىرىگە كۆتۈرگەندىن كىيىن، ئەسلىدىكى بلوگ سېستىمىسى PJblog نەشىرى ASP تىلىدىكى سېستىما بولغاچقىمۇ بىلمىدىم. PJblog نەشىرىدىن ۋوردپرەس(WordPress) نەشىرىگە كۆتۈرگەندىن كىيىن، ئەسلىدىكى بلوگنىڭ باش بېتىدە كۆرۈنىدىغان يازما مۇھىم مەزمۇنى نەشىرگە كۆتۈرگەن بلوگدا ئۈنۈمىنى يۇقىتىپ، باش بەتتە ھەممە يازما تۇلۇق كۆرۈنۈپ باش بەت بەك قالايمىقان كۆرۈنۈپ كەتتى.
ئەسسالام تورداشلار، ياخشى تۇردۇڭلارمۇ؟ كەمىنە ئالدىنقى قېتىم «ھەقسىز ئۇچۇر يوللاش دەرسلىكى» ناملىق يازمىنى تەييارلاپ تورداشلار بىلەن ھەمبەھىر بولۇش ئۈچۈن مۇنبەرلەرگە يوللىسام، بەزىلەرنىڭ تاپمىغان گېپى قالمىدى. ھەي، بۇ ئىنسانلارغا ياخشى ئىش قىلىپ بەرسەڭ بولىدۇ ئەمما ھەرگىز بىرەر نەرسە تەلەپ قىلىشقا بولمايدۇ (ئۇ نەرسە ئۇلارنىڭ ئۆزىدىن چىقىم بولمىسىمۇ). ئالدىنقى قېىتم «ھەقسىز ئۇچۇر يوللاش دەرسلىكى» نى مۇنبەرلەرگە يوللىغاندىن [...]
ھازىرقى دەۋردە بازار ئىگىلىكى ئۇچقاندەك تەرەققىي قىلىۋاتىدۇ. بۇ خىل كەسكىن رىقابەت بولىۋاقتان بازار ئىگىلىكىدە مەيلى مال ساتقۇچى بولسۇن ياكى مال سېتىۋالغۇچى بولسۇن، مېنىڭچە ھەممىسى مەلۇم دەرىجىدە سودا ئېڭىغا ئىگە بولىشىنىڭ كىشىلىك تۇرمۇشتا زور پايدىسى بار دەپ قارايمەن. شۇڭا بۇنىڭدىن كىيىن ئۇيغۇرچە بازار ئىگىلىكىگە ئائىت ماتىرىياللارنىڭ ناھايىتى كەمچىل بولۇشىنى كۆزدە تۇتۇپ ئىلقۇت بلوگى مەخسۇس مۇشۇ بازار ئىگىلىكىگە ئائىت بىلىملەر توغرىسىدا سېستىمىلىق يازما تەييارلاپ كەڭ سودا ئېڭى يىتىلدۈرۈش جەھەتتە ئېھتىياجى بولغان كەڭ تورداشلارنىڭ ئاز تۇلا پايدىلىنالىشى ئۈچۈن ئەڭ چۈشىنىشىلىك تىلدا «كىيىم-كېچەك (ئاياق) نى مۇنداق ساتىمىز» دېگەن تېمىدا كۆپچىلىك بىلەن سودا ئېڭى جەھەتتە پىكىرلىشىدۇ،
ئەسسالاممۇ ئەلەيكۇم تورداشلار،
ئىلقۇت بلوگى بىر مەزگىللىك دەم ئېلىشنى باشتىن كەچۈرگەندىن كىيىن، ئىز تورىنىڭ تېخنىكىنىڭ يېقىندىن قوللاپ ياردەمدە بولىشى بىلەن ئاخىرى ھەر ھالدا داڭلىق بلوگ سېستىمىسى بولغان WordPress سېستىمىسىغا مۇۋاپىقىيەتلىك يۆتكىۋالدىم.
«ئۆزلۈك ۋە كىملىك» دىن تەسىرات
ياسىنجان مەترۇزى ئىلقۇت
ئائىلە-جەمئىيەتنىڭ ئەڭ كىچىك ھۆجەيرىسى. ئائىلە-ئىنسانىيەت مەدىنىيىتى ۋە ئىجتىمائىي تەشكىلاتلىرىنىڭ ئەڭ كونكرېتلاشقان كۆزنىكى. ئائىلە-ئىنسانىيەت مېھرى-مۇھەببەتنىڭ بولىقى ۋە ئەڭ ئۇلۇغ سىمفونىيىسى. ئەگەردە ئىنسانىيەت جەمئىيىتىدە ئائىلە مەدىنىيىتى بولمىغان بولسا، بارلىق مەدىنىيەتلەرنىڭ جولاسىمۇ ئۆچكەن بولاتتى.
—ئەسئەت سولايمان
مەزكۇر يازمىدا سۆزلەنمەكچى بولغىنى توردا تۇرۇپ ھەر قانداق يانفۇنغا ھەقسىز ئۇچۇر يوللاش دەرسلىكىدۇر. بەلكىم بۇنداق دېسەم سىز ئۇچقۇر (飞信) ئارقىلىقمۇ ھەقسىز ئۇچۇر يوللىغىلى بولىدۇ دېيىشىڭىز مۇمكىن، ئەمما ئېسىڭىزدە بولسۇن، بۇنىڭ ئۈچۈن چوقۇم سىزنىڭ يانفۇنىڭىز كۆچمە خەۋەرلىشىش بولىشى ھەمدە يانفۇنىڭىز توختاپ قالمىغان بولىشى شەرت. بۇنىڭ بىلەن سىزنىڭ ھەممە دوستلىرىڭىزغا ھەقسىز ئۇچۇر يوللىيالىشىڭىز ناتايىن، چۈنكى ئۇچقۇر ئارقىلىق پەقەت كۆچمە خەۋەرلىشىش ئابونتلىرىغىلا يوللىغىلى بولىدۇ، ھەمدە يوللىماقچى بولغان ئادەممۇ چوقۇم ئۇچقۇر كەسپىنى ئاچقۇزغان بولىشى ۋە سىزنىڭ تەكلىپىڭىزنى قۇبۇل قىلىپ سىزنىڭ دوستلىرىڭىز (ئۇچقۇردىكى دوستلار تىزىملىكى) بولغاندىلا ئاندىن ئۇنىڭغا ئۇچۇر يوللىيالايسىز. ئەمما كەمىنە بۈگۈن تۇنۇشتۇرماقچى بولغان بۇ ئۇسۇل ئارقىلىق بۇ خىل باش ئاغرىقلىرىدىن خالى بولۇشتىن سىرت ناھايىتى قۇلايلىق ھالدا توردا تۇرۇپ ھەر قانداق دوستىڭىزغا ئۇچۇر يوللىيالايسىز. دىققەت، دوستىڭىزنىڭ ئىشلىتىۋاتقىنى مەيلى كۆچمە خەۋەرلىشش بولسۇن ياكى بىرلەشمە خەۋەرلىشىش ۋە ياكى تېلگراف ئابونتلىرى بولسۇن ھەممىسىگە بىمالال ھەقسىز ئۇچۇر يوللىيالايسىز. ئۇلارنى دوستقا قوشۇپ ئۇلارغا تەكلىپ ئىۋەتىپ ئۇلارنىڭ قۇبۇل قىلىشىنى كۈتۈش ھاجەتسىز.